ریاض۔ سعودی عرب میں مساجد کے بیرونی لاؤڈ اسپیکرز کے استعمال پر پابندی لگا دی گئی ہے۔العربیہ نیوز کے مطابق سماجی کارکنوں نے وزارت مذہبی امور پر زور دیا تھا کہ نماز جمعہ کے سوا باقی تمام نمازوں کو مساجد کے بیرونی لاؤڈ اسپیکروں پر ادا کرنے کے بجائے صرف اندورنی لاؤڈ اسپیکروں پر ادا کرنے کا حکم صادر کیا جائے۔ عام نمازوں میں صرف اذان اور اقامت کو بیرونی لاوڈ اسپیکروں پر ادا کیا جائے۔سماجی کارکنوں کا کہنا تھا کہ نماز جمعہ کے موقع پربیرونی لاؤڈ اسپیکروں کے استعمال کا جواز اس لیے ہوسکتا ہے کہ نمازیوں کی تعداد عام نمازوں کی نسبت زیادہ ہوتی ہے۔بہت سے نمازی مساجد کے اندرونی لاؤڈ اسپیکروں کی آواز نہیں سن پاتے اور ان تک امام کی آواز نہیں پہنچتی۔ اس کے علاوہ موجودہ وبا کے دوران چونکہ سماجی فاصلہ بھی ضروری ہے۔ اس لیے نماز جمعہ کے موقع پر نماز میں بیرونی لاؤڈ اسپیکروں کو کو استعمال کیا جانا چاہیے۔اسی سیاق میں وزارت مذہبی امور نے سوشل میڈیا پر عوام کے مطالبے کے بعد ملک بھر کی مساجد میں نماز جمعہ کے سوا دیگر تمام نمازوں کے موقعے پر مساجد کے بیرونی لاؤڈ اسپیکرز بند کرنے کا حکم دیا ہے۔عام نمازوں میں صرف اذان اور اقامت کے موقع پر بیرونی لاؤڈ اسپیکر استعمال کیے جاسکیں گے۔وزارت مذہبی امور کا کہنا ہے کہ مساجد کی انتظامیہ نے بیرونی لاؤڈ اسپیکروں کے استعمال کے حوالے سے وضع کردہ طریقہ کار پر فوری طور پرعمل درآمد شروع کردیا گیا ہے۔
