مکہ معظمہ : گذشتہ روز مکہ معظمہ میں لیںڈ مارک کا درجہ رکھنے والے گھڑیال ٹاور پر صحرائی ٹڈیوں نے یلغار کردی جس کے نتیجے میں ٹاور کی چوٹی پر نصب گھڑیال بھی چھپ گیا۔ سعودی عرب کی وزارت ماحولیات بحر احمر کے ساحل پر مشرقی افریقہ اور یمن کی طرف سے آنیوالی ٹڈی کے خلاف فوری کارروائی کی اور انہیں ختم کردیا گیا۔محکمہ ماحولیات کی طرف سے صحرائی ٹڈی کو تلف کرنے کیلئے ریاض، مکہ معظمہ، مدینہ منورہ، القصیم، حائل، تبوک، عسیر اور الباحہ میں وسیع پیمانے پر آپریشن کیا جا رہا ہے تاکہ صحرائی ٹڈیوں پر بروقت قابو پا جا سکے۔محکمہ ماحولیات کا کہنا ہے کہ ٹڈیوں سے شہریوں کی صحت کو کوئی خطرہ نہیں تاہم ان سے فصلوں اور چرا گاہوں کو نقصان پہنچنے کا اندیشہ ہے۔
