ریاض: ایران کے صدر ڈاکٹر مسعود نے چہارشنبہ کو قطر کے دارالحکومت دوحہ میں سعودی وزیرخارجہ شہزادہ فیصل بن فرحان کا خیرمقدم کیا ہے۔سعودی وزیر خارجہ نے ایرانی صدر کو سعودی قیادت کی طرف سے تہنیتی پیغام دیا۔ملاقات کے دوران حالیہ علاقائی اور بین الاقوامی صورتحال پر تبادلہ خیال کیا گیا۔اس موقع پر قطر میں سعودی سفیر شہزادہ منصور بن خالد بن فرحان اور وزیر خارجہ کے ڈائریکٹر جنرل عبدالرحمن الداود بھی موجود تھے۔ وزیر خارجہ شہزادہ فیصل بن فرحان ایشین کوآپریشن ڈائیلاگ کے تیسرے سربراہی اجلاس میں شرکت کیلئے دوحہ پہنچے ہیں۔ سعودی وزیر خارجہ قطر کے دورے کے دوران خلیج تعاون کونسل کے غیرمعمولی اجلاس میں شرکت اور اس موقع پر متعدد ملاقاتیں بھی کریں گے۔ملاقاتوں میں خطے کی حالیہ صورتحال پر تبادلہ خیال کیا جائے گا۔
