ریاض :سعودی وزیر خارجہ شہزادہ فیصل بن فرحان سے ہفتہ کو امریکی ہم منصب انتونی بلنکن نے ٹیلی فون پر رابطہ کیا ہے۔ میڈیا کے مطابق رابطے کے دوران خطے میں بڑھتی ہوئی کشیدگی، لبنان کی صورتحال اور اس حوالے سے کی جانے والی کوششوں پر تبادلہ خیال کیا گیا۔قبل ازیں سعودی وزیر خارجہ شہزادہ فیصل بن فرحان نے ہفتہ کو ریاض میں اپنے فرانسیسی ہم منصب جین نویل باروٹ سے لبنان کی صورتحال پر تبادلہ خیال کیا تھا۔
سعودی اور فرانسیسی وزرائے خارجہ نے لبنان میں جنگ بندی کے حصول کیلئے کی جانے والی کوششوں اورعلاقائی و بین الاقوامی صورتحال پر بات چیت کی۔
