ریاض۔ 31 مئی (یو این آئی) سعودی وزیر خارجہ شہزادہ فیصل بن فرحان اتوار کو مغربی کنارہ کا دورہ کریں گے ۔ خبر ایجنسی کے مطابق اسرائیل کے 1967 میں فلسطینی سرزمین پر قبضہ کے بعد کسی سعودی وزیر خارجہ کا مغربی کنارہ کا یہ پہلا دورہ ہوگا۔ خبر ایجنسی کے مطابق سعودی وزیر خارجہ کی قیادت میں ایک وزارتی وفد اتوار کو راملہ جائے گا۔ سعودی وزیر خارجہ کے دورہ کا انکشاف ایسے وقت میں سامنے آیا ہے جب اسرائیلی وزیر دفاع نے مغربی کنارہ کو یہودی ریاست بنانے کا بیان دیا ہے ۔
