ریاض: سعودی عرب کے ولیعہد اور وزیر اعظم شہزادہ محمد بن سلمان نے غزہ کی پٹی میں جنگ کو فوری طور پر روکنے، غزہ کی پٹی میں فلسطینی بھائیوں کے خلاف گھناؤنے جرائم کا سلسلہ بند کرنے اور آزاد فلسطینی ریاست کے قیام کا مطالبہ کیا ہے۔شہزادہ محمد بن سلمان نے حج کے لیے آئے اہم عالمی رنماؤں کے استقبالیہ پروگرام سے خطاب میں انہوں نے خادم حرمین شریفین شاہ سلمان بن عبدالعزیز کی نیابت کرتے ہوئے پوری مسلم امہ کو عیدالاضحیٰ کی مبارک باد پیش کی۔انہوں نے کہا کہ سعودی عرب نے عالمی برادری سیمشرقی یروشلم پر مشتمل سنہ 1967ء سرحدوں پر مشتمل آزاد فلسطینی ریاست کو تسلیم کرنے کے مطالبے کی تجدید کی۔سعودی ولی عہد نے واضح کیا کہ خطے میں پائیدار امن کے حصول کے لیے مسئلہ فلسطین کا منصفانہ حل ضروری ہے۔ آزاد فلسطینی ریاست کے قیام کے بغیر خطے میں امن کا حصول ناممکن ہے۔خادم حرمین شریفین کی نیابت میں عالم اسلام کی سرکردہ شخصیات سے خطاب میں سعودی ولی عہد نے کہا کہ ’ہم اللہ کا شکر ادا کرتے ہیں کہ اس نے ہمیں حرمین شریفین اور مقدس مقامات کی خدمت، زائرین کی دیکھ بھال کرنے اور ان کی سکیورٹی اور سیفٹی کو یقینی بنانے کا اعزاز بخشا ہے‘۔شہزادہ محمد بن سلمان نے کہا کہ ’ہمیں اس عظیم فریضے کو جاری رکھنے پر فخر ہے اور ہم عازمین حج کی آمد سے ان کی روانگی تک انہیں سہولتیں فراہم کرنے کیلیے تمام صلاحیتیں بروئے کار لا رہے ہیں‘۔
