ریاض : سعودی ولی عہد محمد بن سلمان سے فرانسیسی صدر ایمانوئل میکخواں نے ٹیلیفونک رابطہ کیا ہے۔جمعرات کی صبح اس ٹیلیفونک رابطے میں دونوں رہنماؤں نے باہمی دلچسپی کے امور سمیت دو طرفہ تعلقات اور تمام شعبوں میں تعاون بڑھانے کے طریقوں پر تبادلہ خیال کیا۔انہوں نے کئی علاقائی و بین الاقوامی مسائل اور ان کے حوالے سے سلامتی اور استحکام کے حصول کے لیے کی جانے والی کوششوں پر بھی تبادلہ خیال کیا۔
