سعودی فرمانروا شاہ سلمان بن عبدالعزیز کی طرف سے جاری کردہ شاہی فرمان کے مطابق سعودی کابینہ میں کچھ اہم تبدیلیاں کی گئی ہیں۔ شاہی فرمان کے تحت ڈاکٹر ابراہیم العساف کو وزارت خارجہ کے عہدے سے ہٹا دیا گیا ہے اور شہزادہ فیصل بن فرحان بن عبد اللہ بن فیصل آل سعود کو وزیر خارجہ نامزد کیا گیا ہے۔ ڈاکٹر العساف کو وزیر مملکت اور کابینہ کی رکنیت بھی دی گئی ہے۔ شاہی فرمان کے مطابق وزیر ٹرانسپورٹ نبیل بن محمد العامودی کو بھی ان کے عہدے سے ہٹا دیا گیا ہے۔ ان کی جگہ صالح بن ناصر بن علی الجاسر کو نیا وزیر ٹرانسپورٹ نامزد کیا گیا ہے۔
شاہی فرمان کے مطابق عبداللہ بن شرف الغامدی کو بھی وزیر کے عہدے کے مساوی ڈیٹا اور مصنوعی ذہانت کا سربراہ اور صالح بن محمد بن ابراہیم العثیم کو ادارے کا نائب سربراہ نامزد کیا گیاہے، عصام بن عبد اللہ بن خلف الوقیت کو قومی انفارمیشن سینٹر کا ڈائریکٹر منتخب کیا گیاہے ۔ ڈاکٹر طارق بن عبد اللہ بن عبد العزیز الشدی کو نیشنل ڈیٹا مینجمنٹ آفس کا رہنما نامزد کیا گیاہے۔