نیویارک : امریکی میگزین نیوز ویک نے سعودی عرب میں کنگ سعود یونیورسٹی میڈیکل سٹی، کنگ عبدالعزیز اور کنگ خالد ہاسپٹل کو سال 2022 کے لیے بین الاقوامی سطح پر بہترین سپتالوں کی درجہ بندی میں شامل کیا ہے۔ سعودی خبررساں ادارے ایس پی اے کے مطابق یہ درجہ بندی ہیلتھ کیئر میں بہتر کارکردگی، انفیکشن کنٹرول کے لیے اقدامات، مریضوں کی حفاظت اور طبی خدمات کے معیار سے متعلق دیگر اقدامات کی بنیاد پر دی گئی ہے۔کنگ سعود یونیورسٹی میڈیکل سٹی نے کنگ خالد اور کنگ عبدالعزیز ہاسپٹلس میں بین الاقوامی سطح پر تسلیم شدہ معیارات کی تعمیل پر کامیابی کے بعد ڈائمنڈ ڈگری سرٹیفکیٹ سمیت کئی بین الاقوامی اعزازات کی منظوری حاصل کی ہے۔کنگ سعود یونیورسٹی میڈیکل سٹی نے سعودی سینٹرل بورڈ فار ایکریڈیٹیشن آف ہیلتھ کیئر انسٹی ٹیوشنز کی منظوری بھی حاصل کی ہے۔
