دبئی: سعودی ہواباز کیپٹن عبداللہ بن صالح الغامدی نے باور کرایا ہے کہ خادم حرمین شریفین کی حکومت کی جانب سے مکہ مکرمہ کو نو فلائی زون قرار دیے جانے کا مقصد غیر مسلموں کو اس مقدس علاقہ کی فضاؤں سے گزرنے کا موقع نہ دینا ہے۔الغامدی نے یہ بات ٹویٹر پر جاری کیے گئے اپنے ایک وڈیو کلپ میں بتائی۔ انہوں نے مکہ مکرمہ کی فضاؤں میں طیاروں کے نہ گزرنے کے حوالے سے غیر حقیقی دعوؤں کو یکسر مسترد کر دیا۔ ان دعوؤں میں یہ وجہ بھی بیان کی جاتی ہے کہ مکہ مکرمہ میں ایک خصوصی مقناطیسیت ہے جس کے سبب طیارے وہاں سے نہیں گزر سکتے۔الغامدی کی اس ویڈیو کے جاری ہونے کے چند گھنٹوں کے اندر اس کو دیکھنے والوں کی تعداد 2.5 لاکھ سے تجاوز کر گئی۔الغامدی کے مطابق طیاروں کے نہ گزرنے کا دوسرا سبب مکہ مکرمہ کا پہاڑی علاقہ ہونا ہے۔ لہذا اس کے اوپر سے طیاروں کے گزرنے سے شور اور تنگی پیدا ہوتی ہے۔ یہ عوامل طواف کرنے والوں اور عبادت کرنے والوں کی توجہ اور یکسوئی کو متاثر کر سکتے ہیں۔اس لیے کہ اس مقام پر تمام لوگوں کو خاموشی اور سکون کی ضرورت ہوتی ہے تا کہ وہ پورے اطمینان کے ساتھ ایمانی فضاؤں میں عبادات انجام دے سکیں۔الغامدی نے واضح کیا کہ اس حوالے سے بے بنیاد اور من گھڑت تصورات کو ختم کرنے کے لیے انہیں یہ ویڈیو بنانا پڑی۔
