حیدرآباد ۔ 26 ۔ ستمبر : ( کے این واصف )۔ سفارت خانہ ہند ریاض بتعاون منسٹری آف یوتھ افیرز اینڈ اسپورٹس کے زیر اہتمام 27 ستمبر بروز ہفتہ 2025 شہر ریاض میں ’’وکست بھارت رن 2025‘‘ منعقد ہوگی۔ سفارت خانہ ہند ریاض کے جاری کردہ پریس نوٹ کے مطابق وکست بھارت دوڑ کا آغاز سفارت خانہ کے ملٹی پرپس ہال واقع حی السفارات (DQ) سے صبح 30-6 کو ہوگا۔ یہ دوڑ ہندوستان میں منائے جارہے ’’سیوا پگھواڑا‘‘ (17 ستمبر تا 2 اکتوبر) کا حصہ ہوگا۔ یہ پگھواڑا تقاریب دنیا کے 150 شہروں میں منایا جائے گا۔ یہ تقاریب وزیر آعظم نریندر مودی کی 75ویں سالگرہ اور ’’وکست بھارت @ 2047‘‘ سے منسوب کیا گیا ہے۔ ریاض میں منعقد ہونے والی یہ دوڑ 3 تا 5 کیلو میٹر کی ہوگی۔ سفارت خانہ ہند نے ہندوستانی باشندوں اور ریاض کے مقیمین سے خواہش کی ہے کہ وہ اس ایونٹ میں شرکت کریں۔ اس سے عالمی سطح پر ہمارے اتحاد اور وطن سے محبت کا اظہار ہوگا۔ اس موقع پر شجرکاری کے پروگرام کا اہتمام بھی ہوگا۔
