نیویارک : اقوام متحدہ کی سلامتی کونسل میں ایک قرارداد پیش کی گئی جس کے مسودے میں ترکی اور عراق کے راستے شام میں انسانی بنیادوں پر امداد کی فراہمی یقینی بنانے کی تجویز دی کی گئی ہے۔ اس وقت شام میں امداد صرف باب الہوا کی گزر گاہ سے فراہم کی جا رہی ہے ، کیوں کہ روس اس سے قبل دیگر گزر گاہوں سے امداد کی فراہمی کو مسترد کر چکا ہے۔ ناروے اور آئرلینڈ کی جانب سے پیش کردہ قرارداد میں باب الہوا کے ساتھ یعروبیا کی سرحدی گزر گاہ سے امداد فراہم کرنے کی بات کی گئی ہے۔