بھوپال : مدھیہ پردیش کی گورنر آنندی بین پٹیل نے آج یہاں بی جے پی کے سینئر اراکین اسمبلی تلسی رام سلاوٹ اور گووند سنگھ راجپوت کو کابینہ کے وزیر کی حیثیت سے حلف دلایا ۔راج بھون کے ہال میں منعقدہ ایک باوقار اور مختصر تقریب میں محترمہ پٹیل نے دونوں وزرا کو عہدے اور رازداری کا حلف دلایا ۔ اس موقع پر وزیر اعلی شیوراج سنگھ چوہان ، کئی وزراء ، لیڈران ، انتظامی افسران اور معزز شہری موجود تھے ۔ مسٹر سلاوٹ اور مسڑراجپوت موجودہ شیوراج سنگھ چوہان سرکارمیں پہلے وزیر تھے ، لیکن وہ اس وقت اراکین اسمبلی منتخب نہیں ہوئے تھے ۔ غیررکن اسمبلی شخص کے زیادہ سے زیادہ چھ ماہ تک وزیرکے عہدے پر رہنے کے آئینی التزامات کے تحت انہوں نے اسمبلی ضمنی انتخابات سے قبل اکتوبر کے تیسرے ہفتے میں وزراء کے عہدے سے استعفیٰ دے دیا تھا ۔ سینئر لیڈر جیوترادتیہ سندھیا کے حامی سمجھے جاتے ہیں ۔
