ممبئی ۔ بالی ووڈ کے میگا اسٹار سلمان خان باکس آفس پر ایک بڑا نام ہے لیکن ان کی پچھلی چند فلمیں توقعات پر پوری نہ اتریں۔ اداکار نے اب سکندر نامی پروجیکٹ کے لیے جنوبی ہند کے ہدایت کار اے آر مروگاداس کے ساتھ مل کرکام شروع کیا ہے۔ اے آر مروگدوس کی فارم بھی حال ہی میں اچھی نہیں رہی ہے اور وہ سکندر کے ساتھ بہتر واپسی کے خواہاں ہیں۔ اس پروجیکٹ کے حوالے سے ایک افواہ گزشتہ کچھ دنوں سے سوشل میڈیا پر وائرل ہو رہی ہے۔گپ شپ یہ تھی کہ سکندر جنوب کے سوپر اسٹار تھلاپتی وجے کی فلم سرکارکا ریمیک ہے، جسے خود اے آر مروگادوس نے ڈائریکٹ کیا ہے۔ سلمان خان کے مداح اس قیاس آرائی سے حیران رہ گئے لیکن حقیقت یہ ہے کہ اس میں کوئی صداقت نہیں ہے۔ ایسا لگتا ہے کہ یہ افواہ جان بوجھ کر گپ شپ کرنے والوں نے اس منصوبے میں کچھ منفی تجس لانے کے لیے اڑائی تھی۔ فلم سکندر واقعی ایک تازہ فلم ہے اور کہا جاتا ہے کہ اے آر مروگاداس نے سلمان خان کے لیے ایک ٹھوس کردار لکھا ہے جو ان کی بڑے پیمانے پر فلم سے مماثل ہے۔ رشمیکا مندنا مرکزی کردار میں ہیں، اور ستیہ راج کوکلیدی کردار کے لیے شامل کیا گیا ہے۔ رپورٹس کے مطابق ایکشن انٹرٹینرکے پاس ڈرامہ بھی اچھا ہوگا۔ سکندر کو ناڈیاڈوالا گرانڈسن انٹرٹینمنٹ کی طرف سے ایک بڑے بجٹ کی فلم کے طور پر تیارکیا جا رہا ہے۔
