ٹورنٹو : /10 اگست (ایجنسیز) جیل میں قید گینگسٹر لارنس بشنوئی کے گروہ کے ایک رکن نے بالی ووڈ اداکار سلمان خان کے ساتھ کام کرنے والے اداکاروں ، پروڈیوسرز اور ڈائرکٹرز کو جان سے مارنے کی دھمکی دے دی۔ میڈیا کے مطابق آن لائن گر دش کرنے والی ایک آڈیو کلپ میں خود کو ہیری باکسر کہلانے والے شخص نے فائرنگ کی ذمہ داری قبول کرتے ہوئے کہا کہ جو بھی پروڈیوسر ، ڈائرکٹر یا اداکار سلمان خان کے ساتھ کام کرے گا اسے گولی ماردی جائے گی ۔اس نے مزید کہا کہ گینگ چھوٹے درجے کے پروڈیوسرز ، ڈائرکٹرز اور اداکاروں کو بھی مارنے سے گریز نہیں کرے گا اور جو کوئی سلمان خان کے ساتھ کام کرے گا وہ اپنی جان کا خود ذمہ دار ہوگا ۔ یہ دھمکی ایسے وقت میں سامنے آئی جب کینیڈا میں کامیڈین کپل شرما کے کیفے کے باہر دوبارہ فائرنگ ہوئی۔
