تہران، 08 جنوری ( سیاست ڈاٹ کام) امریکی حملے سے ایران کے جنرل قاسم سلیمانی کی ہلاکت کے بعد ایران مستعد ہے اور وسطی ایشیائی میں امریکہ اور یورپ کے ٹھکانوں پر حملہ کرنے کے لئے تیار ہے ۔اسلامک ریولیشنری گارڈ کارپس (آئی آر جی ایس ) کے افسر میجر جنرل مرتدہ قربانی نے منگل کے روز اس کی اطلاع دی ۔ انہوں نے کہا‘‘ ہم امریکی ٹھکانے تباہ کرنے کے لئے پوری طرح تیار ہیں ۔ انہوں نے کہا کہ امریکہ اور اسرائیل نے ایران سے ٹکر لی ہے ۔واضح رہے کہ عراق کے بغداد کے بین الاقوامی ہوائی اڈے کے نزدیک گزشتہ جمعہ کو امریکہ کی جانب سے کئے گئے راکٹ حملے میں ایران کے سپاہ پاسداران ِ انقلاب ِ اسلامی کی القدس فورس کے کمانڈر میجر جنرل سلیمانی کی موت ہو گئی تھی جس کے بعد امریکہ اور ایران میں کشیدگی بڑھ گئی ہے ۔
