لکھنؤ۔ اتر پردیش میں بی جے پی کی یوگی حکومت کے ترجمان سریش کھنہ نے سماج وادی پارٹی (ایس پی) کو نشانہ بناتے ہوئے اس پر سیاسی فائدے کیلئے فسادات کرانے کا الزام عائد کرتے ہوئے کہا کہ فسادات ملک کے اتحاد اور سالمیت کیلئے خطرہ ہے اس کے باوجود سماج وادی پارٹی فسادات کی سیاست کرتی ہے ۔ کھنہ نے ہفتہ کے روز ایک بیان میں کہا کہ 2012 سے 2017 کے درمیان ایس پی حکومت کے دوران ہوئے تقریباً 1500 فسادات اس کا ثبوت ہیں۔ انہوں نے کہا کہ مظفر نگر کے کیرانہ میں فسادات میں کیرانہ جل کر خاک ہوگیا تھا۔ لوگ اپنی بہوبیٹیوں کی عزت بچانے کیلئے اپنے گھروں سے بھاگ رہے تھے اس وقت روم کے حکمران کی طرح سیفائی مہوتسو میں مصروف تھے ۔
