سمستی پور: بہار کے سمستی پور ضلع کے نگر تھانہ علاقے میں چہارشنبہ کو بدمعاشوں نے بینک آف مہاراشٹرا سے 5 کروڑ روپے کاسونا اور 15 لاکھ روپے لوٹ لئے ۔ذرائع نے یہاں بتایا کہ نوبدمعاشوں نے کاشی پور گاؤں میں واقع بینک آف مہاراشٹرا کی برانچ پر دھاوابولا۔ اس کے بعدبدمعاشوں نے بینک ملازمین اور صارفین کو بندوق کی نوک پر یرغمال بنالیا اور 5 کروڑ کاسونا اور 15 لاکھ روپے لوٹ کر فرار ہو گئے ۔ تاہم پولیس نے بدمعاشوں کی طرف سے لوٹی گئی رقم کی سرکاری طور پر تصدیق نہیں کی ہے ۔ پولیس لوٹی گئی رقم کا اندازہ لگا رہی ہے ۔واقعہ کی اطلاع ملتے ہی پولیس کے اعلیٰ حکام موقع پر پہنچ گئے اور معاملے کی تحقیقات شروع کردی ہے ۔ بینک کے احاطے میں نصب سی سی ٹی وی کیمروں کی فوٹیج کی جانچ کی جارہی ہے ۔
