کولمبو :سنت جے سوریا کو سری لنکن کرکٹ ٹیم کا فل ٹائم ہیڈ کوچ مقرر کرنے کا فیصلہ کیا گیا ہے۔ اب سنت جے سوریا کو ایک سال کے لیے کل وقتی کوچ بنایا جا رہا ہے۔ سنت جے سوریا کی نئی مدت نیوزی لینڈ کے خلاف ٹیسٹ سیریز کے بعد شروع ہوگی۔سری لنکن میڈیا کے مطابق سابق کپتان سنت جے سوریا ان دنوں سری لنکا کرکٹ ٹیم کے عبوری ہیڈ کوچ کی ذمہ داریاں نبھا رہے ہیں۔ ان کے دور میں سری لنکا کرکٹ ٹیم کی کارکردگی اچھی رہی ہے۔سنت جے سوریا نے انڈیا کو ون ڈے سیریز میں ہرانے کے بعد انگلینڈ میں ٹسٹ میچ جیتا جبکہ نیوزی لینڈ کے خلاف ہوم ٹسٹ سیریز جیتنے کے قریب ہیں۔
