شیو سینا رکن پارلیمنٹ سنجے راوت نے پیر کو دعویٰ کیا کہ پارٹی کے کچھ لیڈروں کو انہوں نے آگاہ کیا تھا کہ ممبئی پولیس کے معطل افسر سچن واجے مہاراشٹرحکومت کے لئے پریشانی پیدا کرسکتے ہیں۔ واجے ابھی این آئی اے کی حراست میں ہیں۔ سنجے راوت نے یہ بھی کہا کہ سچن واجے معاملے نے ریاست میں شیو سینا کی قیادت والے اتحادی حکومت کو ایک اچھا سبق سکھایا ہے۔ مہاراشٹر میں شیو سینا کی قیادت والی مہا وکاس اگھاڑی حکومت نے نیشنلسٹ کانگریس پارٹی (این سی پی) اور کانگریس بھی شامل ہے۔