ممبئی: بالی ووڈ کے سینئر اداکار سنجے دت نے اپنے قریبی دوست اور سوپر اسٹار سلمان خان کے ساتھ 25 سال بعد ایک فلم میں کام کرنے کی تصدیق کی ہے۔ سنجے دت گزشتہ روز ممبئی میں اپنی آنے والی فلم ’’دی بھوتنی‘‘ کے ٹریلر لانچ کے موقع پر موجود تھے، جہاں میڈیا سے بات کرتے ہوئے انھوں نے اپنے مستقبل کے پروجیکٹ میں سلمان خان کے ساتھ کام کرنے کی تصدیق کی۔ سنجے نے کہا میڈیا سے کہ آپ نے ’ساجن‘ دیکھ لی، ’چل میرے بھائی‘ دیکھ لی، اب ہم دونوں کی فلم ’ٹشن‘ دیکھئے۔ میں اس فلم کے تعلق سے بہت پرجوش ہوں۔ مجھے یہ سوچ کر بھی خوشی ہورہی ہے کہ میں 25 سال بعد اپنے چھوٹے بھائی (سلمان خان) کے ساتھ کام کروں گا۔ سلمان خان اور سنجے دت بالی ووڈ کے قریبی دوستوں میں شمار ہوتے ہیں۔ دونوں نے ریالٹی شو ’بگ باس‘ کے پانچویں سیزن کو مشترکہ طور پر ہوسٹ بھی کیا تھا۔ سنجے دت آخری بار اسٹریمنگ فلم ’گھڑچڑی‘ میں نظر آئے تھے۔ ان کی نئی فلم ’دی بھوتنی‘ ایک ایکشن انٹرٹینر فلم ہے۔ سنجے دت اور سلمان خان کی آخری مشترکہ فلم 1999 کی ’چل میرے بھائی‘ تھی۔ اس سے قبل وہ 1991 کی سوپر ہٹ فلم ’ساجن‘ میں ایک ساتھ نظر آئے تھے۔
