حیدرآباد26 جولائی (سیاست نیوز) سنگارینی کالریز کمپنی لمیٹیڈ نے آج اعلان کیا کہ ملازمین کی سبکدوشی کی عمر کو 60 سال سے بڑھا کر 61 سال کردیا گیا ہے ۔ سنگارینی کالریز کے بورڈ آف ڈائرکٹرس کا آج پیر کو اجلاس منعقد ہوا جس میں سبکدوشی کی عمر میں اضافہ کا فیصلہ کیا گیا ۔ بورڈ نے ملازمتوں میں معاشی پسماندہ طبقات کیلئے 10 فیصد تحفظات کا فیصلہ کیا ہے ۔ اس فیصلے پر 31 مارچ سے عمل ہوگا اور جو لوگ 31 مارچ سے جون 30 تک سبکدوش ہوچکے ہیں انہیں دوبارہ ملازمت دی جائے گی ۔ اس سے 43,899 ملازمین کو فائدہ ہوگا۔