لندن۔8 مئی (سیاست ڈاٹ کام) سری لنکا کے سابق کپتان کمار سنگاکارا کے بطور برطانیہ کے میرلبون کرکٹ کلب (ایم سی سی) کے صدر کے عہدے کی معیاد میں توسیع ہوسکتی ہے۔سنگاکارا کلب کے پہلے غیر برطانوی صدر ہیں اور ان کے عہدے کی معیاد اس سال 30 ستمبر کو ختم ہو رہی ہے لیکن رپورٹ کے مطابق ایم سی سی کی کمیٹی نے ان کا مدت کار میں توسیع کرنے کے سلسلے میں انہیں پیشکش کی ہے۔اس پر فیصلہ اگرچہ 24 جون کو ہونے والی ایم سی سی کی سالانہ عام اجلاس میں کیاجائے گا جہاں اس کے لئے ارکان کی منظوری کی ضرورت ہو گی۔ عام طور پر اگلے صدر کو اجلاس کے دوران نامزد کیا جاتا ہے لیکن سنگاکارا کا معاہدہ بڑھانے کے معاملے میں ان کی مدت ملازمت کو 2021 تک بڑھانے کے لئے تجویز پیش کی جائے گی۔سنگاکارا اور ایم سی سی کے درمیان تعلقات کافی پرانے ہیں۔ ایم سی سی نے سنگاکارا کو2011 میں تاحیات رکنیت دی تھی اور اسی سال انہیں ایم سی سی ورلڈ کرکٹ کمیٹی میں شامل کیا گیا تھا۔
