ممبئی: مشہور اداکار سنی دیول کا ان منتخب اداکروں میں شمار کیا جاتا ہے جنہوں نے تقریباً تین دہائی سے اپنی دم دار اداکاری سے شائقین کے دل میں آج بھی ایک خاص مقام بنارکھا ہے ۔سنی دیول ،جن کی پیدائش 19اکتوبر 1956 کو ہوئی تھی۔اداکاری کا ہنر انہیں وارثت میں ملا۔ان کے والد دھرمیندر ہندی فلموں کے مشہور اداکار ہیں۔گھر میں فلمی ماحول ہونے کی وجہ سے سنی دیول اکثر اپنے والد کے ساتھ شوٹنگ دیکھنے جایا کرتے تھے اس وجہ سے ان کا بھی رجحان فلموں کی جانب ہوگیا اور وہ بھی اداکار بننے کے خواب دیکھنے لگے اداکاری کی تعلیم لی۔سنی نے اپنے کریئر کی شروعات1983میں راہل رویل کی ہدایت میں بنی فلم ’بے تاب‘ سے کی جوسوپر ہٹ ثابت ہوئی۔
