کراچی۔24 ستمبر (ایجنسیز) جاپانی کوہ پیماؤں یوڈائی سوزوکی، گینکی نارومی اور ہیروکی یاماموتو نے پاکستان کے سلسلہ کوہ قراقرم میں واقع 6,080 میٹر بلند چوٹی ہاشو پیک II سر کرلی۔ پاکستان آمد پر ان کا استقبال الپائن کلب آف پاکستان (اے سی پی) کے نائب صدر کرار حیدری نے کیا، جنہوں نے ٹیم کو اس کامیابی پر مبارکباد دی اور آئندہ مشترکہ تعاون کے امکانات پر تبادلہ خیال کیا۔ جاپانی کوہ پیماؤں نے اس موقع پر کہا کہ قراقرم کی بلند و بالا چوٹیوں پر چڑھنا ان کے لیے ایک شاندار تجربہ رہا اور پاکستان کے پہاڑوں کے مناظر دنیا میں اپنی مثال آپ ہیں۔
