انقرہ: ترکیہ صدارتی دفتر محکمہ اطلاعات کے سربراہ فخر الدین آلتن نے کہا ہے کہ سوشل میڈیا پر قانونی و اخلاقی حدود سے آزاد مواد کے خلاف جدوجہد کے لئے ’’انٹرنیشنل ڈیجیٹل آرڈر‘‘کی تشکیل ضروری ہے ۔ اُنھوںنے دارالحکومت انقرہ میں منعقدہ میٹاورس پلیٹ فورم کے تعارفی پیانل میں شرکت کی۔انہوں نے کہا کہ خاص طور پر سوشل میڈیا پر ہر گزرتے دن کے ساتھ قانونی و اخلاقی حدود سے آزاد مواد کا قبضہ ہوتا جا رہا ہے ۔ اس مسئلہ کے خلاف جدوجہد محض ملکی سطح پر نہیں کی جا سکتی۔ اس وقت ہمیں بین الاقوامی سطح پر باہمی اتفاق رائے کے ساتھ ایک بین الاقوامی ڈیجیٹل آرڈر تشکیل دینے کی ضرورت ہے ۔