نئی دہلی: حکومت نے پاکستان اور اس کے زیر قبضہ جموں و کشمیر (پی او کے ) میں ہندوستان کے آپریشن سندور کے تناظر میں سوشل میڈیا پر وائرل ہونے والی اس تصویر کو پرانی قرار دیا ہے جس میں ہندوستانی فضائیہ کے ایک لڑاکا طیارے کو تباہ ہوتے دکھایا گیا ہے۔ حکومت نے کہا ہے کہ یہ تصویر ستمبر 2004 میں باڑمیر (راجستھان) میں ہندوستانی فضائیہ کے میگ-29 لڑاکا طیارے کے حادثے کی ہے ۔
سری نگر ایئربیس پر حملے کی ویڈیوز فرضی : حکومت
نئی دہلی: ہندوستان نے سری نگر کے فضائی اڈے پر پاکستانی فضائیہ کے حملے کی خبروں کو افواہ قرار دیتے ہوئے لوگوں کو مشورہ دیا ہے کہ وہ اس پر کوئی توجہ نہ دیں۔ اطلاعات و نشریات کی وزارت کے پریس انفارمیشن بیورو (پی آئی بی) نے کہا ہے کہ پاکستان حامی کچھ سوشل میڈیا اکاؤنٹس ایسی ویڈیوز وائرل کر رہے ہیں جن میں دعویٰ کیا گیا ہے کہ پاکستانی فضائیہ نے سری نگر میں ایئر فورس بیس پر حملہ کیا ہے ۔پی آئی بی نے کہا ہے کہ یہ ویڈیوز پرانی ہیں اور ان کا ہندوستان سے تعلق نہیں ہے۔