نیویارک: سماجی رابطوں کی ویب سائٹس پر امریکہ میں ایک سمندری طوفان کا ساحل پرموجود لوگوں پر خوفناک حملہ دکھایا گیا ہے۔ ایسے لگتا ہے کہ یہ کوئی حقیقی واقعہ نہیں بلکہ کسی ہالی ووڈ فلم کا خوفناک منظر سامنے آگیا ہے۔یہ واقعہ کیلیفورنیا کے ساتھ بحر الکاہل کے ساحل پر پیش آیا جہاں طوفانوں کی وجہ سے سونامی کی شدید لہروں کا سامنا کرنا پڑا۔ حکام کا کہنا ہے کہ سونامی کی وجہ سے ریاست کے شمالی علاقوں کو خالی کرلیا گیا ہے۔سوشل میڈیا پر گردش کرنے والے ویڈیو کلپس میں کچھ لوگوں کے پانی سے فرار ہونے کے لمحات دکھائے گئے ہیں مگر طوفانی لہر نے ان کا پیچھا کرکے انہیں غرق کردیا۔امریکی ریاست کیلیفورنیا اس ہفتے کے دوران بارش اور تیز ہواؤں کے ساتھ 30 فٹ اونچی لہروں کی تیاری کر رہی ہے۔ ماہرین موسمیات نے پیش قیاسی کی ہے کہ یہ خطرات ’مہلک‘ ہوتے جائیں گے۔
