شمس آباد /31 اکٹوبر ( سیاست نیوز ) راجیو گاندھی انٹرنیشنل ایرپورٹ شمس آباد پر کسٹمس عہدیداروں نے ایک شخص کو گرفتار کرلیا ۔ تفصیلات کے بموجب دبئی سے شمس آباد ایرپورٹ آنے والی انڈیگو فلائیٹ نمبر 6E025 کے ایک مسافر جس کی شناخت شیخ فیاض احمد کے لگیج کی تلاشی لینے پر اس کے پاس سے سونے کا پیسٹ جس کو وہ گولیوں کی شکل میں ہی ٹکڑے کرکے جس کا وزن 667.210 گرام اور مالیت 25,68,758 اور ایک آئی فون جس کی قیمت ایک لاکھ نو ہزار روپئے اور 24 برقعہ جس کی مالیت 72 ہزار کو ضبط کرتے ہوئے اس کے خلاف مقدمہ درج کرکے تحقیقات کا آغاز کردیا ۔
