خرطوم : سوڈان میں مزاحمتی کمیٹی کی اپیل پر گلی کوچوں میں نکل آنے والے نوجوانوں نے فوجی انتظامیہ کے خلاف احتجاج کیا ہے تو سیکیورٹی قوتوں کی مداخلت کے د وران ایک شخص اپنی جان سے ہاتھ دھو بیٹھا۔دارالحکومت خرطوم کے علاقے بجدر میں یکجا ہوتے ہوئے صدارتی محل کی جانب جلوس نکالنے کی کوشش کرنے والے ہجوم کو پولیس نے آنسو گیس پھینکتے ہوئے منتشر کیا۔سڑکوں پر پتھراؤ کرکے رکاوٹیں کھڑی کرنے والے اور گاڑیوں کے ٹائر جلانے والے مظاہرین نے فوجیوں سے انتظامیہ کو مکمل طور پر شہریوں کے حوالے کرنے کے لیے نعرے لگائے۔پولیس کے تعاقب کے بعد مظاہرین اطراف کی گلیوں میں منتشر ہو گئے۔
