خرطوم: سوڈان میں تیز بارش اور سیلاب کے باعث مختلف حادثات میں 84 افراد ہلاک اور درجنوں زخمی ہوگئے۔ ملک کی 11 ریاستوں میں بارش سے تباہی مچ گئی۔ 8.5 ہزار مکانات تباہ جبکہ 27 ہزار سے زائد کو نقصان پہنچا۔ سوڈانی حکام کا کہنا ہیکہ ملک میں بارش کا موسم شروع ہونے سے اب تک مختلف حادثات میں تقریباً 84 افراد ہلاک ہوچکے ہیں۔ یہ اموات ڈوبنے، شاک لگنے، مکانات کے منہدم ہونے سے ہوئیں۔ اقوام متحدہ کے مطابق جولائی سے ہونے والی بارش سے اب تک لاکھوں افراد متاثر ہوچکے ہیں۔
