خرطوم۔ سوڈان میں شدید بارش اور سیلاب سے 14ریاستوں میں سے 3لاکھ سے زائد افراد متاثر ہوگئے جبکہ امدادی اشیاء کی قلت پیدا ہوگئی ہے۔چینی میڈیا کے مطابق اقوام متحدہ کے ادارے برائے تعاون انسانی امور (او سی ایچ اے)نے کہا ہے کہ سیلاب نے 15ہزار مکانات کو تباہ اور 45 ہزار سے زیادہ عمارتوں کو نقصان پہنچایا ہے، پل ٹوٹ چکے ہیں ، شاہراہیں ٹوٹ پھوٹ کا شکار اور ٹریفک معطل ہے۔ شدید بارش اور سیلاب سے نشیبی علاقے زیر آب آگئے ہیں اور کھڑی فصلوں کو نقصان پہنچا ہے۔ ہزاروں لوگ بے گھر ہوئے ہیں اور محفوظ مقامات پر منتقل کردیا گیا ہے۔ حکام نے خبردار کیا کہ امدادی اشیامیں کمی کے باعث یہ صرف ایک لاکھ 83 ہزار لوگوں تک پہنچی ہیں جبکہ 72ہزار افراد کو امداد کی فراہمی نہیں ہوئی ہے اور 14ہزار 500 سے زائد افراد کو براہ راست طبی سہولیات مہیا کی گئی ہیں۔
