موغادیشو،6 اپریل (سیاست ڈاٹ کام) جنوبی سوڈان کی وزارت صحت نے ملک میں کورونا وائرس کے پہلے کیس کی تصدیق کی ہے ۔عالمی ادارہ صحت نے پیر کو اس کی اطلاع دی۔اطلاعات کے مطابق ایک 29 سالہ خاتون میں اس انفیکشن کی تصدیق ہوئی ہے جو 28 فروری کو ادیس ابابا کے راستے ہالینڈ سے لوٹی تھی۔وہاں سے واپس لوٹنے کے بعد متاثرہ کو بخار، زکام ، سر درد اور سانس لینے میں تکلیف کی شکایت تھی۔ وہ فی الحال الگ تھلگ رکھی گئی ہیں۔عالمی ادارہ صحت کے جنوبی سوڈان میں نمائندہ اولشایو اولو نے کہا ’’سوڈان میں کورونا وائرس کا پہلا معاملہ سامنے آیا ہے ۔ وزارت صحت کے ساتھ ہم حالات پر نظر رکھے ہوئے ہیں۔ وقت بہت کٹھن ہے ‘‘۔
