حیدرآباد ۔ 24 ۔ جولائی : ( سیاست نیوز ) : حیدرآباد برڈ اٹلس ایک بڑے پیمانے پر شہری سائنس پراجکٹ شروع کیا ہے جس کا مقصد پورے حیدرآباد میں پرندوں کے تنوع کی دستاویز کرنا ہے ۔ 2025 میں دو موسمی پرندوں کے سروے مکمل کئے ہیں ۔ ایک فروری میں سردیوں کے دوران اور دوسرا جولائی میں مانسون کے دوران یہ سروے آئندہ مزید دو سالوں تک جاری رہے گا ۔ پرندوں کی آبادی ان کی موسمی نقل و حرکت اور شہری علاقوں میں رہائش کی ترجیحات کے بارے میں اہم ڈیٹا بنانے میں مدد کررہا ہے ۔ اس سال فروری میں منعقد ہونے والے پہلے سیزن میں 209 رضاکاروں نے حصہ لیا اور شہر بھر میں 180 مختلف مقامات کا سروے کیا ۔ موسم سرما کا یہ دور رہائشی اور ہجرت کرنے والے پرندوں کے آمیزے کے لیے مانا جاتا ہے اور سروے میں 195 انواع اور 70,187 انفرادی پرندے ریکارڈ کئے گئے ۔ زیادہ تعداد موسم سرما میں نقل مکانی کرنے والوں کی موجودگی کی عکاسی کرتی ہے جو شہری علاقوں ، جنگلات ، گھانس کے میدانوں اور سبز جگہوں کو آرام اور کھانا کھلانے کے لیے استعمال کرتے ہیں ۔ دوسرا سیزن مانسون کے دوران جولائی 2025 میں ہوا جو بہت سے رہائش پرندوں کے لیے افزائش نسل کا اہم وقت ہے ۔ رضاکاروں کی شرکت بڑھکر 225 تک پہنچ گئی اور ٹیم نے پرندوں کی 166 اقسام کی دستاویز کی اور 62,811 انفرادی پرندوں کی گنتی کی ۔ 2025 کے دونوں موسموں میں 1,36,000 سے زیادہ پرندے اور 218 پرجاتیوں کو ریکارڈ کیا گیا ۔ جس نے حیدرآباد کے پرندوں کی زندگی کے طویل مدتی تجربہ کے لیے ایک مضبوط بنیاد بنائی ۔ کئی انواع جو سردیوں کے موسم میں نہیں دیکھی گئی مانسون کے دوران انہیں دیکھا گیا ۔ جن میں واٹر کاک ، اسپائن سوئنٹ ، براؤن کریک ، پینٹیڈ اسپرفول ، فیزنٹ ٹیلڈ جیکانا ، بریمنی پتنگ ، پائیڈ کوکو ، بارشی کوئل ، اورینٹل اسکائی لاوک ، اور بلیک بریٹیڈویا شامل ہیں ۔ یہ نظارے پرندوں کی موجودگی اور رویے پر موسمی تبدیلیوں کے اثرات کو نمایاں کرتے ہیں ۔ برڈ واچر اور حیدرآباد برڈگ پالنر کے منتظم کشور بخشی نے کہا کہ سروے کا دوسرا دور پچھلے سال کے مقابلے زیادہ آسانی سے چلا کیوں کہ بہت سے شرکاء اس عمل سے پہلے ہی واقف تھے ۔ جس کی وجہ سے ہمیں کام کو انجام دینے میں کافی آسانی ہوئی ۔۔ ش
