حیدرآباد: تلنگانہ میں دوسرے مرحلہ کی کورونا ٹیکہ اندازی مہم جاری ہے ۔اس کے حصہ کے طورپر پرانا شہر حیدرآباد میں واقع سٹی ٹریننگ سنٹر پیٹلہ برج میں کمشنر پولیس حیدرآباد انجنی کمار نے یہ ٹیکہ لیا۔اس موقع پر منعقدہ تقریب سے خطاب کرتے ہوئے انہوں نے کہاکہ سٹی پولیس کے تمام سینئر عہدیدار آج یہ ٹیکہ لے رہے ہیں۔انہوں نے محکمہ صحت کے عہدیداروں کاحوالہ دیتے ہوئے کہاکہ اس ٹیکہ پرہر سنٹرمیں کافی بہتر ردعمل سامنے آرہا ہے ۔انہوں نے تمام پولیس ملازمین سے یہ درخواست کی کہ الاٹ کردہ سنٹر پر پہنچ کر ٹیکہ لیں۔یہ بالکل محفوظ ہے اور اس کو لینے والے کسی بھی شخص میں اس کا کوئی بھی ری ایکشن نہیں ہوا ہے ۔بعض لوگوں کو ہلکا بخار ہوتا ہے تو وہ بھی ایک دو گھنٹہ میں ٹھیک ہورہا ہے ۔
