نئی دہلی: کانگریس نے منگل کو سپریہ بھاردواج کو پارٹی کا نیا نیشنل میڈیا کوآرڈینیٹر مقرر کیا ہے ۔ کانگریس کے میڈیا اور پبلسٹی ڈیپارٹمنٹ کے سربراہ پون کھیڑا نے آج یہاں یہ اطلاع دی۔ کھیڑا نے کہا کہ بھاردواج کی تقرری فوری اثر سے عمل میں آئے گی۔ قابل ذکر ہے کہ کانگریس کی سابق نیشنل میڈیا کوآرڈنیٹر رادھیکا کھیڑا نے چھتیس گڑھ کے میڈیا ونگ کے سربراہ اور دیگر عہدیداروں کے ساتھ جھگڑے اور باہمی الزامات اور جوابی الزامات کے پیش نظر اپنے عہدے سے استعفیٰ دے دیا تھا۔ کھیڑا بعد میں بی جے پی میں شامل ہو گئیں۔ یہ عہدہ ان کے استعفیٰ اور انحراف کے بعد خالی ہوا تھا۔
