نئی دہلی:منی لانڈرنگ کے الزامات کا سامنا کر رہے دہلی حکومت کے سابق وزیر صحت ستیندر جین کی خرابی صحت کی بنیاد پر سپریم کورٹ نے انہیں 6 ہفتوں کے لیے عبوری ضمانت پر رہا کرنے کا فیصلہ سنایا ہے۔ ستیندر جین گزشتہ ایک سال سے جیل میں قید ہیں اور گزشتہ روز سے لوک نائک جئے پرکاش نارائن اسپتال میں داخل انہیں اور انہیں آکسیجن سپورٹ پر رکھا گیا ہے۔خیال رہے کہ ستیندرد جین کل جمعرات کو تہاڑ جیل کے باتھ روم میں گر گئے تھے، جس کے بعد انہیں علاج کے لیے اسپتال میں داخل کرایا گیا تھا۔ وہ فی الحال آئی سی یو میں ہیں اور ان کی صحت مستحکم ہے۔ شام 4 بجے ایل این جے پی اسپتال کی طرف سے ان کی صحت کے حوالے سے ہیلتھ بلیٹن جاری کیا جائے گا۔عبوری ضمانت کا فیصلہ سناتے ہوئے عدالت نے کہا کہ اس دوران ستیندر جین دہلی سے باہر نہیں جا سکتے اور وہ میڈیا کے سامنے کسی طرح کی بیان بازی نہیں کریں گے۔
