نئی دہلی:سپریم کورٹ نے مراٹھا ریزرویشن منسوخ کرنے کے فیصلے پر نظر ثانی کرنے سے انکار کر دیا ہے۔ اپنے 5 مئی 2021 کی ریزرویشن منسوخ کرنے کے فیصلے کو برقرار رکھا گیا ہے۔ اس معاملے میں دائر نظرثانی کی درخواستوں کو خارج کر دیا گیا ہے۔ پانچ ججوں پر مشتمل آئینی بنچ نے چیمبر میں غور و خوض کے بعد یہ فیصلہ دیا۔ بنچ نے کہا کہ ریکارڈ پر کوئی غلطی نہیں پائی گئی ہے جس کی وجہ سے اس معاملے پر دوبارہ غور کرنے کی ضرورت ہے۔ پانچ ججوں پر مشتمل آئینی بنچ نے 11 اپریل کو چیمبر میں بحث کی ہے۔ فیصلہ جمعرات کو اپ لوڈ کیا گیا ہے۔
