نئی دہلی: سپریم کورٹ نے نوٹ بندی کو قانونی قرار دیتے ہوئے مرکز کے نومبر 2016 کے 1000 اور 500 روپے کے کرنسی نوٹوں پر پابندی کے فیصلے کو چیلنج کرنے والی عرضیوں کو خارج کر دیا ہے۔ حکومت کے اس قدم نے راتوں رات گردش سے 10 لاکھ کروڑ روپے نکال لیے تھے۔ جسٹس ایس. اے۔ نذیر کی سربراہی میں پانچ رکنی آئینی بنچ نے اس معاملے پر اپنا فیصلہ سنایا۔ سپریم کورٹ کے اس فیصلے سے مرکز کو بڑی راحت ملی ہے اس کے ساتھ ہی عدالت نے تمام 58 درخواستوں کو بھی خارج کر دیا۔ سپریم کورٹ نے کہا کہ اس فیصلے کو واپس نہیں لیا جا سکتا۔ نوٹ بندی کے فیصلے میں کوئی غلطی نہیں ہے۔ عدالت نے کہا کہ ریکارڈ کی جانچ کرنے کے بعد، ہم نے پایا ہے کہ فیصلہ سازی کے عمل میں صرف اس لیے خامی نہیں ہو سکتی کہ یہ مرکزی حکومت سے نکلا ہے اور ہم نے کہا ہے کہ سفارش کی اصطلاح کو قانونی اسکیم سے سمجھنا چاہیے۔
