ممبئی: نیشنلسٹ کانگریس پارٹی (این سی پی) میںبڑے پیمانے پر تنظیمی تبدیلیاں کی گئی ہیں۔ سپریہ سولے اور پرفل پٹیل کو این سی پی کے کارگزار صدر مقرر کیا گیا ہے۔ اس کا اعلان خود شرد پوار نے کیا ہے۔ 2 مئی کو شرد پوار نے این سی پی سربراہ کے عہدے سے استعفیٰ دے دیا تھا لیکن کارکنوں کے اصرار کے بعد انہوں نے استعفیٰ واپس لے لیا تھا۔کارگزار صدور کے علاوہ سپریہ سولے کو مہاراشٹرا، ہریانہ، پنجاب، خواتین، یوتھ اور لوک سبھا کے تال میل کی ذمہ داری بھی سونپی گئی ہے جبکہ پرفل پٹیل کو کارگزار صدر کے ساتھ مدھیہ پردیش، راجستھان اور گوا کی ذمہ داری دی گئی ہے۔ سنیل تاٹکرے کو قومی جنرل سکریٹری مقرر کیا گیا ہے۔ اس کے ساتھ انہیں اوڈیشہ، مغربی بنگال، کسانوں اور اقلیتی شعبہ میں پارٹی کے کام کو دیکھنے کی ذمہ داری دی گئی ہے۔اس اعلان کے بعد سپریہ سولے نے کہا کہ وہ پارٹی کی بہت شکر گزار ہیں اور وہ اعتماد پر پورا اترنے کی کوشش کریں گی۔ انہوں نے ٹوئٹ کیا کہ این سی پی کی سالگرہ کے موقع پر منعقد پروگرام میں مجھے اور پرفل بھائی پٹیل کو ورکنگ صدر منتخب کیا گیا ہے۔ اس کیلئے میں پارٹی تنظیم کی تہہ دل سے مشکور ہوں اور پارٹی کیڈر سے تعاون جاری رکھنے کی توقع کرتی ہوں۔
داری کے لیے ایک بار پھر پوار صاحب، عہدیداروں، سینئر لیڈروں اور کارکنوں کا شکریہ۔
