نئی دہلی: شیوسینا کے سنجے راوت نے کسان تحریک کو بدنام کرنے کی کوششوں کی مذمت کی اور کہا کہ ان دنوں جو سچ بولتا ہے اور سچ لکھتا ہے اسے غدار قرار دینے کی کوشش کی جارہی ہے ۔مسٹر راوت نے صدر کے خطاب پر تحریک تشکر پر کہا کہ سچائی سن کر ہی نجات ملتی ہے ۔انہوں نے کہا کہ کسانوں کے ساتھ جو کچھ ہورہا ہے ، یہ جو چل رہا ہے وہ شرمناک ہے ۔ پنجاب ، ہریانہ ، مغربی اتر پردیش کے کسان پورے ملک کی لڑائی لڑ رہے ہیں۔ انہیں غدار کہنا درست نہیں ہے ۔ یہ کتنی نا انصافی ہے ۔انہوں نے کہا کہ کسانوں کو روکنے کانٹے دار باڑ لگانے اور کیل لگائے گئے ۔راوت نے عام آدمی پارٹی رہنما سنجے سنگھ ، صحافی راجدیپ سردسائی ، کانگریس رہنما ششی تھرور ، صحافی منجیت سنگھ پر غداری مقدمات پر تنقید کی
