سڈنی: آسٹریلیا کے دارالحکومت سڈنی ایک بڑی کثیر منزلہ عمارت میں آگ لگ گئی۔ ایمرجنسی سرویسز نے علاقہ کو گھیرے میں لے کر ریسکیو کارروائیاں شروع کردیں۔ٹی وی فوٹیج میں دکھایا گیا ہے کہ فائر فائٹرز سڈنی کے مرکزی ریلوے سٹیشن کے قریب ایک عمارت میں آگ بجھانے کی کوشش کر رہے ہیں۔ قریب ہی کھڑی ایک کار بھی آگ کی لپیٹ میں آگئی ہے۔قانون ساز تانیا پلبرسیک نے ٹویٹر پر ایک بیان میں کہا میرے حلقے میں سری ہلز میں خوفناک آگ بڑھک گئی ہے۔ براہ کرم محفوظ رہیں اور ایمرجنسی سرویسز کی ہدایات پر عمل کریں۔ نیو ساؤتھ ویلز ٹرانسپورٹ کی طرف سے کہا گیا کہ آتشزدگی کا شکار عمارت کے قریب ریل سرویسز کو اگلے اطلاع تک معطل کر دیا گیا تھا۔نیو ساؤتھ ویلز پولیس کے ایک ترجمان نے بتایا کہ فوری طور پر کسی جانی نقصان کی اطلاع نہیں ملی ہے۔ ٹی وی فوٹیج میں دکھایا گیا ہے کہ آگ قریبی عمارت کی بالکونی تک پہنچ گئی۔ نیو ساؤتھ ویلز ایمبولینس کے ترجمان نے فوری تبصرہ کرنے سے گریز کیا ہے۔
