حیدرآباد ۔ 15 جولائی (سیاست نیوز) ساوتھ سنٹرل ریلوے نے راگنائی ایڈس کے اشتراک سے جمعہ کو سکندرآباد ریلوے اسٹیشن پر تیجو بھارت کارٹس بگی سرویس کا آغاز کیا ہے۔ بیاٹری سے چلنے والی تیجوبھارت کارٹس ریلوے اسٹیشن کے احاطہ میں مسافرین کو ان کے لگیج کے ساتھ جو 40 کیلو گرام سے زیادہ نہ ہو ایک جگہ سے دوسری جگہ لے جائیں گے۔ 50 روپئے فی کس فیس کے ساتھ مسافرین دونوں پلیٹ فارم 1 اور 10 پر مین انٹرنس پر اس سرویس سے استفادہ کرسکتے ہیں۔ مسافرین کو ٹرین کی روانگی سے 45 منٹ قبل اسٹارٹنگ پوائنٹس پر رپورٹ کرنا ہوگا۔
