دبئی۔ زمبابوے میں مردوں کے ونڈے ورلڈ کپ کوالیفائر کے گروپ مرحلے میں اپنی شاندار کارکردگی کے بعد آل راؤنڈر سکندر رضا اور ویسٹ انڈیز کے وکٹ کیپر نکولس پورن نے مردوں کی تازہ ترین کھلاڑیوں کی درجہ بندی میں بڑا فائدہ اٹھایا ہے۔ رضا گھر پرکوالیفائرز ایونٹ میں تین طاقتور اننگزکے بعد چہارشنبہکو جاری کردہ بیٹنگ رینکنگ میں سات درجے چھلانگ لگا کر27 ویں نمبر پر پہنچ گئے۔37 سالہ کھلاڑی نے ہالینڈ کے خلاف شاندار 102 ناٹ آؤٹ کے ساتھ مہم کا آغاز کیا اور اس کے بعد ویسٹ انڈیزکے خلاف 68 اور امریکہ کے خلاف 48 رنز بنائے۔ اپنی آف اسپن بولنگ کے ساتھ رضا بھی کوالیفائر میں آٹھ وکٹوں کے ساتھ ٹاپ چھ وکٹ لینے والوں میں شامل رہے۔ بیٹ اورگیند دونوں کے ساتھ شاندار فارمکے نتیجے میں رضا ونڈے آل راؤنڈر رینکنگ میں دو درجے اوپر پہنچ کر تیسرے نمبر پر آگئے، اور وہ صرف بنگلہ دیش کے شکیب الحسن اور افغانستان کے محمد نبی بالترتیب پہلے اور دوسرے نمبر کے بعد موجود ہیں۔ دوسری طرف پورن نے کوالیفائر میں ویسٹ انڈیز کے لیے دو سنچریوں کے بعد ونڈے بیٹنگ رینکنگ میں 13 مقامات کی چھلانگ لگا کر 19 ویں نمبر پر پہنچ گئے ہیں۔ بائیں ہاتھ کے بیٹرگروپ مرحلے کے دوران 296 رنزکے ساتھ دوسرے سب سے زیادہ اسکورر تھے، جس میں نیپال کے خلاف 115 اور ہالینڈ کے خلاف ناٹ آؤٹ 104 رنز شامل تھے۔
