کابل: افغان طالبان کا کہنا ہے کہ پاکستان اور افغانستان کے درمیان سکیورٹی کے مسائل کو’’مشترکہ کمیٹیو‘‘ کے ذریعے حل کیا جائے اور سامان اور مسافروں کی آمد ورفت کیلئے اہم سرحدی گذرگاہوں کوسیاسی اور سلامتی خدشات کی بنا پر بند نہیں ہونا چاہیے۔ یہ اعلان اس وقت سامنے آیا جب پاکستان کے خصوصی ایلچی برائے افغانستان سفیر آصف خان درانی نے جمعرات کو کابل کا دورہ کیا اور طالبان انتظامیہ کے قائم مقام وزیرِ خارجہ عامر خان متقی سے بات چیت کی۔پاکستان اور افغانستان اسلام آباد کے ان الزامات پر مہینوں سے تعلقات میں تعطل کا شکار ہیں کہ اس کا ہمسایہ ملک کالعدم تحریکِ طالبان پاکستان کے عسکریت پسندوں کو پناہ اور انہیں اپنی سرزمین کو حملوں کیلئے استعمال کرنے کی اجازت دے رہا ہے۔ افغانستان نے اس الزام کو مسترد کر دیا ہے۔گذشتہ جمعہ کو پاکستان اور افغانستان کے درمیان طورخم کے مقام پر ایک اہم سرحدی گذرگاہ سرحدی نو دن کی بندش کے بعد دوبارہ کھول دی گئی جسے فورسز کے درمیان جھڑپوں کی وجہ سے بند کیا گیا تھا۔ طورخم سرحدی گذرگاہ کی بندش سے ہزاروں مسافر اور سامان سے لدے سینکڑوں ٹرک در خیبر کے مغربی کنارے پر پھنسے رہے۔افغان نائب ترجمان حافظ ضیاء احمد نے کہا کہ سکیورٹی کے مسائل کو مشترکہ کمیٹیوں کے ذریعے حل کیا جائے اور سرحدی گذرگاہوں کو سیاسی اور سلامتی کی وجوہات کی بنا پر بند نہیں ہونا چاہیے۔
افغانستان اور پاکستان دو ہمسایہ اور اسلامی ممالک ہونے کے ناطے ایک دوسرے کے خلاف بیان بازی سے گریز کریں تاکہ فریقین کے درمیان فاصلے نہ بڑھیں۔
