وائی ایس کنونشن عطاپور میں مقرر، جناب زاہد علی خان صدارت کریں گے
حیدرآباد ۔ 18 ڈسمبر (دکن نیوز) سیاست اور ملت فنڈ کے تعاون سے مسلم لڑکوں اور لڑکیوں کے رشتوں کا دو بہ دو ملاقات پروگرام اتوار 19 ڈسمبر کو صبح 10 تا 4 بجے شام وائی ایس کنونشن پلر نمبر 225 عطا پور راجندر نگر منعقد ہوگا۔ اس پروگرام کی صدارت جناب زاہد علی خان ایڈیٹر روزنامہ سیاست کریں گے جبکہ مہمان خصوصی کی حیثیت سے جناب محمد عبدالسمیع مالک وائی ایس کنونشن شرکت کریں گے۔ شادی خانہ میں لڑکے اور لڑکی کی تعلیمی قابلیت کے لحاظ سے کاؤنٹرس رہیں گے جہاں والینٹرس والدین کی رہبری و رہنمائی کریں گے۔ یہ کاونٹرس جن میں میڈیسن، انجینئرنگ، گریجویشن، پوسٹ گریجویشن، ایم بی اے، ایم سی اے، ایم کام، ایم ایس سی، بی ایس سی، بی کام، بی اے، بی ایس سی بی ایڈ جو لڑکے کے فنی تعلیم سے وابستہ ہیں، بشمول لڑکیاں اس کے ساتھ حافظ و عالم، عقدثانی، معذور لڑکوں اور لڑکیوں اور تاخیر سے ہونے والی شادی کیلئے کاؤنٹرس رہیں گے۔ والدین کو چاہئے کہ وہ اپنے ساتھ بائیو ڈاٹاس اور فوٹوز کی کاپیز رکھیں اور اس کی مدد سے اپنے لڑکوں اور لڑکیوں کا رجسٹریشن بھی کروائیں۔ رجسٹریشن فیس 250 روپئے مقرر کی گئی ہے۔ رجسٹریشن کروانے کے بعد ہی والدین کے ہاتھوں میں بات چیت کرنے کیلئے بائیو ڈاٹا اور فوٹوز کی کاپیز ہونا ضروری ہے۔ پروگرام میں والدین کی سہولت کیلئے کمپیوٹر سیکشن رکھا گیا ہے۔ کمپیوٹرس کی مدد سے والدین فوٹوز اور بائیو ڈاٹاس کا مشاہدہ کرسکتے ہیں۔ اس کے ساتھ ہی آن لائن رجسٹریشن کیلئے کاؤنٹر کی سہولت بھی رکھی گئی ہے۔پروگرام کا خصوصی طور پر براہ راست ٹیلی کاسٹ سیاست کے فیس بک، یوٹیوب پر کیا جائے جہاں اقطاع عالم اور ملک کی ریاستوں کے اضلاع میں گھر پر بیٹھے والدین رشتوں کے ضمن میں بات چیت اور مشاہدہ کرسکیں گے۔ یہ ٹیلی کاسٹ ملک کی تمام ریاستوں کے اضلاع کے علاوہ بیرونی ممالک امریکہ، کینیڈا، آسٹریلیا، سعودی عرب، قطر، نیوزی لینڈ، دوبئی، شارجہ و دیگر ممالک میں مقیم حیدرآبادیوں کیلئے پروگرام کے آغاز سے لیکر اختتام تک ناظرین تک پہنچے گا۔ مزید تفصیلات کیلئے جناب خالد محی الدین اسد کوآرڈینیٹر دوبہ دو پروگرام سے فون نمبر 9391160364 ، 9848004353 پر ربط کریں۔