5 دسمبر کو بنڈلہ گوڑہ میں مقرر ، جناب زاہد علی خاں صدارت کریں گے
حیدرآباد ۔ یکم ۔ دسمبر : ( پریس نوٹ ) : شہر حیدرآباد میں لڑکوں اور لڑکیوں کے لیے سیاست اور ملت فنڈ کی جانب سے رشتوں کے انتخاب کا 109 واں دو بہ دو پروگرام اتوار 5 دسمبر کو صبح 10 تا 4 بجے شام ریگل کنونشن ، سبحان کالونی ، بنڈلہ گوڑہ حلقہ چندرائن گٹہ میں منعقد ہوگا ۔ جناب زاہد علی خاں ایڈیٹر روزنامہ سیاست و سرپرست اعلیٰ ملت فنڈ صدارت کریں گے جب کہ مہمان خصوصی کی حیثیت سے جناب محمد معین الدین پروپرائٹر ریگل کنونشن شرکت کریں گے ۔ لڑکے اور لڑکیوں کی قابلیت و تعلیم کے لحاظ سے کاونٹرس قائم کئے جائیں گے ۔ جس میں قابل ذکر میڈیسن ، انجینئرنگ ، گریجویشن ، پوسٹ گریجویشن ، ایم بی اے ، ایم سی اے ، ایم کام ، ایم ایس سی ، بی ایس سی ، بی کام ، بی اے ، بی ایس سی ، بی ایڈ اور فنی طور پر جڑے ہوئے لڑکے ، انٹر میڈیٹ ، ایس ایس سی ، حافظ و عالم ، عقد ثانی کے ساتھ معذور لڑکوں اور لڑکیوں ، تاخیر سے ہونے والی شادی کے لیے کاونٹرس اور اس سے قبل ہوئے پروگرامس کے بائیو ڈاٹاس دستیاب رہیں گے ۔ والدین کو چاہئے کہ وہ اپنے بائیو ڈاٹاس اور فوٹوز کی کاپیز اپنے ساتھ رکھیں اور اس کی مدد سے اپنے لڑکوں اور لڑکیوں کا رجسٹریشن بھی کروائیں ۔ رجسٹریشن فیس 250 روپئے مقرر کی گئی ہے ۔ رجسٹریشن کروانے کے بعد بھی والدین کے ہاتھوں میں بات چیت کرنے کے لیے بائیو ڈاٹا اور فوٹوز کی کاپیز ہونا ضروری ہے ۔ دو بہ دو پروگرام میں والدین کی سہولت کے لیے کمپیوٹر سیکشن رکھا گیا ہے ۔ کمپیوٹرس کی مدد سے والدین فوٹوز اور بائیو ڈاٹاس کا مشاہدہ کرسکتے ہیں ۔ اس کے ساتھ ہی آن لائن رجسٹریشن کے لیے کاونٹر کی سہولت بھی رکھی گئی ہے ۔ اس پروگرام کا خصوصی طور پر براہ راست ٹیلی کاسٹ سیاست کے فیس بک ، یو ٹیوب پر کیا جائے گا جہاں اقطاع عالم اور ملک کی ریاستوں اور اضلاع میں گھر پر بیٹھے والدین رشتوں کے ضمن میں بات چیت اور مشاہدہ کرسکیں گے ۔ یہ ٹیلی کاسٹ ملک کی تمام ریاستوں کے اضلاع کے علاوہ بیرونی ممالک امریکہ ، کینڈا ، آسٹریلیا ، سعودی عرب ، قطر ، نیوزی لینڈ ، دوبئی ، شارجہ ، و دیگر ممالک میں مقیم حیدرآبادیوں کے لیے پروگرام کے آغاز سے لے کر اختتام تک ناظرین تک پہنچے گا ۔ مزید تفصیلات کے لیے جناب خالد محی الدین اسد کوآرڈینٹر دو بہ دو پروگرام سے 9391160364 ۔ 9848004353 پر ربط کریں ۔۔
