اتوار کو رائل ریجنسی گارڈن آصف نگر میں مقرر ، جناب زاہد علی خاں صدارت کریں گے
لڑکے اور لڑکیوں کے سینکڑوں رشتے دستیاب
حیدرآباد ۔ 20 ۔ جون : ( سیاست نیوز) : سیاست اور ملت فنڈ کے زیر اہتمام مسلم لڑکوں اور لڑکیوں کے رشتوں کا دو بہ دو ملاقات پروگرام بروز اتوار 23 جون کو رائل ریجنسی گارڈن روبرو آصف نگر پٹرول پمپ پر 10 بجے دن تا 4 بجے شام منعقد ہوگا ۔ جس کی صدارت جناب زاہد علی خاں ایڈیٹر روزنامہ سیاست کریں گے ۔ مہمان خصوصی کی حیثیت سے ہندوستان میں ایران کے رہبر اعظم آیت اللہ العظمی سید علی خامنائی کے نمائندہ آیت اللہ مہدی ، مہدوی پور شرکت کریں گے ۔ جب کہ اعزازی مہمانان کی حیثیت سے جناب سعید بن محمد القیعطی پروپرائٹر رائل ریجنسی گارڈنس اور جناب فیصل بن علی القیعطی پروپرائٹر رائل ریجنسی گارڈن ( آصف نگر ) شرکت کریں گے ۔ حسب سابق کی طرح یہ پروگرام بھی والدین اور سرپرستوں کو اپنے لڑکوں اور لڑکیوں کے رشتوں کو طئے کرنے میں مددگار ثابت ہوگا ۔ اس لیے والدین فوٹوز اور بائیو ڈاٹاس ساتھ رکھیں ۔ پروگرام میں بھی والدین کی سہولت کے لیے کاونٹرس کا نظم رکھا گیا ہے جو بالترتیب ایس ایس سی ، انٹر میڈیٹ ، بی ایس سی ، بی ایڈ ، ایم اے ، ایم ایڈ ، بی کام ، ایم ایس ، ایم کام ، ایم بی بی ایس ، ایم ڈی ، بی ڈی ایس ، بی فارمیسی ، انجینئرنگ ، پوسٹ گریجویٹس ، گریجویٹس ، عقد ثانی ، تاخیر سے ہونے والے لڑکے اور لڑکیوں کے ساتھ معذور لڑکوں اور لڑکیوں کے علحدہ علحدہ کاونٹرس رہیں گے ۔ جنہوں نے اس پروگرام سے استفادہ کرنے رجسٹریشن نہیں کروایا ہے ۔ وہ دفتر ملت فنڈ احاطہ روزنامہ سیاست عابڈز اور دوبہ دو پروگرام کے دوران رائل ریجنسی گارڈن پر رجسٹریشن کروا کر شناختی کارڈ حاصل کرسکتے ہیں ۔ والدین کے لیے اس پروگرام میں آن لائن رجسٹریشن کروانے سہولت رہے گی تاکہ وہ کمپیوٹر کی مدد سے رشتہ تلاش کرسکے ۔ جناب خالد محی الدین اسد کوآرڈینٹر پروگرام نے بتایا کہ پروگرام کی تیاریاں زور و شور سے جاری ہیں ۔ انہوں نے بتایا کہ آج بھی والدین کی بڑی تعداد احاطہ روزنامہ سیاست دفتر ملت فنڈ پہنچ کر اپنے لڑکوں اور لڑکیوں کے رشتے تلاش کرنے میں منہمک ہے ۔ اس دو بہ دو پروگرام کو پچھلے پروگرامس کی طرح شہر حیدرآباد کے علاوہ عالمی سطح تک پہنچانے کے لیے راست ٹیلی کاسٹ یوٹیوب ، فیس بک اور سیاست ٹی وی کے ذریعہ مہیا کی گئی ہے جس کے لیے ملک اور بیرونی ممالک میں مقیم ہندوستانی اپنے اپنے مقامات پر آسانی کے ساتھ اس پروگرام کا مشاہدہ کررہے ہیں ۔ مزید تفصیلات کے لیے جناب خالد محی الدین اسد کوآرڈینٹر پروگرام سے فون 9391160364 پر ربط کریں ۔۔