۔12 خصوصی اور 71 ترغیبی پُرکشش انعامات، خریداری کیجئے اور انعامات پایئے
حیدرآباد 29 جنوری (سیاست نیوز) سیاست شاپنگ دھوم 2018 ء کے تیسرے مِنی ڈرا کی تقریب آج شام دفتر روزنامہ ’سیاست‘ میں منعقد ہوئی۔ مِنی ڈرا کی اس تقریب میں 12 انعامات کے لئے قرعہ اندازی کی گئی۔ اس موقع پر پہلے انعام کے لئے جناب شیخ محی الدین آفسیٹ منیجر روزنامہ سیاست نے قرعہ نکالا اور سید جلیس (زونی سنٹر)، سید اکبر (کشش)، سید لقمان (سبحان بیکری)، میر مجاہد (ڈارلیز آئسکریم)، محمد آصف (دوسہ فیکٹری)، سید مظہرالدین (الہادی ٹورس اینڈ ٹراویلس)، محمد ارشد (نگینہ شو کمپنی)، کے رام چندر (وجئے ڈیر برانڈ)، صادق علی خان (نورانی لباس)، رضا صاحب (دلبہار مصالحہ)، محمد عابد (انجلی الیکٹرانکس) نے بھی قرعہ نکالا۔ سیاست شاپنگ دھوم 2018 ء کے تیسرے مِنی ڈرا میں LED ٹیلی ویژن، ریفریجریٹر، واشنگ مشین، مائیکرو ویواوون، مکسر گرائینڈر، ایرکولر، کافی میکر، آئیرن، منی ہوم تھیٹر، سانڈویچ ٹوسٹر، گیزر اور واٹر پیوریفائر کے لئے قرعہ اندازی کی گئی۔ اس تیسرے مِنی ڈرا کے خوش نصیب انعام یافتگان کا تعلق ایس این جیویلرس، سبحان بیکری، لپاکشی فرنیچرس، انجلی الیکٹرانکس، آر ایس برادرس، K-3000 ، جاجو شی اینڈ کڈس، زونی سنٹر، سورج بھان اینڈ کمپنی جیویلری اور ساؤتھ انڈیا شاپنگ مال و دیگر شورومس کے کسٹمرس سے ہے۔ اس کے علاوہ روزنامہ سیاست کی جانب سے 71 ترغیبی انعامات کے لئے بھی قرعہ اندازی کی گئی۔ تیسرے مِنی ڈرا کے انعام یافتگان کی فہرست صفحہ نمبر 9 پر ملاحظہ کی جاسکتی ہے اور اس کے علاوہ www.siasat.com/siasatshoppingdhoom2018 پر بھی دیکھی جاسکتی ہے۔ سیاست شاپنگ دھوم کا چوتھا مِنی ڈرا 5 فروری بروز منگل روزنامہ سیاست کے دفتر پر شام 5 بجے سے منعقد ہوگا۔ شرکت کی عام اجازت رہے گی۔