یوٹیوب چینل حیدرآبادی ڈائریز کے مشہور فنکار ابرار اور شاہ رخ سے خصوصی بات چیت
حیدرآباد ۔ 4 اپریل (سیاست نیوز) سیاست ٹی وی سے ٹیلی کاسٹ کیا جانے والا ہفتہ واری پروگرام ’’حیدرآبادی ستارے‘‘ سرزمین دکن کے فنون و لطیفہ کے شعبہ حیات کے باصلاحیت اور باکمال فنکاروں کے انٹرویوز کے باعث یہ شہرت کی بلندی پر پہنچ چکا ہے اور قلیل مدت میں شائقین میں کافی مقبول ہوچکا ہے۔ شائقین ہر اتوار پیش ہونے والے اس شو کا بے چینی سے انتظار کرتے ہیں تاکہ سیاست ٹی وی کے علاوہ بیرونی ممالک کے ناظرین یوٹیوب اور سیاست ٹی وی، فیس بک اکاؤنٹ کے ذریعہ اس پروگرام کا مشاہدہ کرسکیں چنانچہ 5 اپریل اتوار کو رات 9:30 بجے کے ایپی سوڈ میں یوٹیوب کے مشہور چیانل ’’حیدرآباد ڈائریز‘‘ کے نامور فنکار ابرار اور شاہ رخ کا انٹرویو شامل کیا گیا ہے جنہوں نے سوشیل میڈیا میں اپنے نئے کنٹینٹ اپنی محنت اور جستجو کے ذریعہ ’’حیدرآباد ڈائریز‘‘ چیانل کو شائقین کا پسندیدہ یوٹیوب چیانل بنادیا ہے ویسے شاہ رخ اور ابرار حیدرآباد کے مشہور اداکار عدنان ساجد خاں (گلودادا) کے صاحبزادے ہیں لیکن دنیا آج ان کی ان صلاحیتوں کی وجہ سے جانتی ہے۔ اپنی بات چیت کے دوران مختلف پہلوؤں پر روشنی ڈالی اور زندگی سے جڑی خاص باتیں بتائی۔ شو کے اینکر کے بی جانی، ڈائرکٹر زاہد فاروقی اور جناب عامر علی خاں پروڈیوسر سی ای او ہیں۔ یہ پروگرام دوبارہ منگل 11:05 دن اور جمعرات 4 بجے شام سیاست ٹیوی پر ٹیلی کاسٹ ہوگا۔
